TİKA tarafından Gagauziyanın Aydar küüyündä enilenäbilir energiya çerçevesindä erleştirilän 50 kw kuvedindä güneş panelleri proektın ofițial açılışı yapıldı.
Aydar küüyün gimnaziyanın örtüsünä erleştirildi 50 kw kuvedindä güneş panellerin ofițial açılışı tantanalı hazırlandı hem ona buyur edilän Türkiye Kişinev Büükelçisi Uygar Mustafa SERTEL, TİKA Balkannar hem Dou Evropa Dayresi Başkanı (BADA) Muhammed ÜNAL, Moldova Respublikası Parlamentın deputatı Fiodor GAGAUZ, Türkiye Gagauziya Komrat Başkonsulu Adnan HAYAL, TİKA Kişinev ofisin koordinatoru Tarık METE Gagauziya hem Türkiye bayraklarınnan, duhovoy orkestrasının “Karşı marş”ınnan hem küü büüklerinin tarafından tuz-ekmeklän karşlandılar. Nedän sora gimnaziyanın üürencileri bir gagauz halk oyunu oynadılar hem “Bän gagauzum” türküsünü çaldılar.
Kısa bir konuşma mitingindän sora, Büükelçisi Uygar Mustafa SERTEL, TİKA BADA Başkanı Muhammed ÜNAL, deputat Fiodor GAGAUZ, koordinator Tarık METE hem Aydar küüyün primarı İlya KÖSÄ proektın açılış şiridini kestilär. Nedän sora da hepsicii gimnaziyaylan hem küüyün muzeyinnän tanıştılar.
Aydardakı 50 kw kuvedindä güneş panelleri küüyün kultura evinä, primariyasına, uşak başçasına, gimnaziyasına hem sokak aydınnatma sistemasına şafk verer.
