TİKA hem Moldova kultura ministerliin işbirliindä Kişinevda yapıldı “KOHA biblioteka sisteması”na integrațiya uurunda maasuz üüredicilik kursaları.
Hederlez ayın 6-7 günnerindä Moldova Respublikasının Milli Bibliotekasında yapıldı Moldova bibliotekacılarına deyni iki günnük “KOHA biblioteka sisteması”na integrațiya uurunda maasuz üüredicilik kursalar, angıları oldu TİKA hem Moldova kultura ministerliin ortaklık proektı.
Maasuz bu üüredicilik kursalarına deyni, TİKA yardımınnan, Türkiyedän “KOHA biblioteka sisteması”nı bilän dört kişilik bir bibliotekacı grupası getirildi.
Bu uuredicilik kursaların geçtikleri için, Moldova bibliotekacılarına katılım Sertifikatları verildi. Sertifikatları vermä sırasında pay aldılar Türkiye Kişinev Büükelçisi Uygar Mustafa SERTEL, Moldova kultura ministerliin devlet sekretari Andrey KİSTOL, TİKA Kişinev ofisin koordinatoru Tarık METE hem TİKAda Moldova masasına bakan Fatih ÇELİK.
