KİŞİLÄR BOLUMU

kanagawa_1
Bıldır, Ceviz ayın 1-dän Kasımın 30-dan, Yaponiyada olan “XXII Halklarası Biennale Kanagawa uşak resimneri konkursu”na bütün dünnedän 3000 genç resimcinin resimneri kabledildi da 2025-cü yılın Baba Marta ayın başında bu konkursun sonuçları açıklandı. “XXII Halklarası Biennale Kanagawa uşak resimneri konkursu”n sonuçlarına görä belli oldu, ani Komrat “D. SAVASTİN” resimcilik şkolasının eski üürencisinin Daniil BOYKOVun “Haydutlar” resimi bu konkursta iki “Grand-pri” ödülündän birisini kazandı. Nicä açıkladılar resimcilik şkolasının üüredicileri, bu konkursta Komrattan yaklaşık 40 uşak resimi pay aldı.TAA DERINDÄN
orden_mamu (0)
Baba Marta ayın 6-da Gagauziya Başkankası Evgeniya GUŢUL, Kongaz küüyünä gelip, Akademik Todur ZANETin anasına İvanna Dimitrievna ZANETä “Mihail Çakir” ordenını verdi. Açan Küçük ayın (fevral) 19-da Komrat Kutura Evindä yapıldı prezentațiya TİKA yardımınnan tiparlanan Akademik Todur ZANETin tarafından düzennenän 6 tomnuk “Büük Gagauzça-Rusça Sözlük” yaratmasına, Gagauziya Başkankası Evgeniya GUŢUL yaratmanın ekibini ödülleyeräk, açıkladı, ani 6 tomnuk “Büük Gagauzça-Rusça Sözlük” yaratmasının gagauz dilindä baş nasaatçıykası İvanna Dimitrievna ZANET, Gagauz dilin ilerlemesindä büük zaametleri için, “Mihail Çakir” ordenınnan ödüllener hem ordenı vermää deyni kendisi İvanna Dimitrievnanın yanına gelecek. Da te, BabaTAA DERINDÄN
scegoleva_martisor (1)
Baba Marta ayın 1-dä büük kultura insanın Maestro Tatyana ŞÇEGOLEVAnın yıldönümündä Gagauziyada yola çıktı “Gagauziyada Marțişor – 2025” muzıka festivali, angısı yapılêr Moldovadakı 59-cu “Marțişor” muzıka festivali çerçevesindä. “Gagauziyada Marțişor” muzıka festivali – bu büük bir kulturalı yortu, neredä filizlendikçä açılêr Gagauzların hem Gagauziyanın milli kultura varlıı hem dostluk birlii. Bu yıl “Gagauziyada Marțişor – 2025”: İLKYAZIN HEM MUZIKANIN TRİUMFU” muzıka festivalin Komrat Kultura evindä yapılan açılış sırasında Maestro Tatyana ŞÇEGOLEVAnın “İlkyaz hem muzıka” yaratmak avşamı da bu festivalä ayırı bir dad verdi. Maestro Tatyana ŞÇEGOLEVA kultura dünnääsının anılmış insanı,TAA DERINDÄN
zanet_orden_ (1)_1
Büük ayın (yanvar) 15-dä bakılan Moldova Milli Kultura Günündä hem Mihay EMİNESKUnun duuma günündä Moldova Prezidentı Maya SANDU memleketin kultura insannarına üüsek devlet ödüllerini verdi. Bu ödüllemä sırasında, başka kultura insannarın arasında, “Kultura uurunda verimni çalışmaları, soyumuzun ruh zenginniklerin propagandasında önemni zaametleri, yaratmaları uurunda en üstün işleri, üüsek marafetli ustalıı için, hem da Milli Kultura Günün bakılması üzerä” gagauz yazıcısına Todur ZANETä “Ordinul de Onoare” (“Şan Ordenı) verildi. Devlet ödüllerini vereräk, Moldova prezidentı Maya SANDU urguladı, ani Milli Kultura Günü hem Mihay EMİNESKUnun duuma günü, bu gözäl bir kolaylık anmaaTAA DERINDÄN
filev_ilya_
Büün, Kasım ayın 19-da, bir aar hastalıktan sora, raametli oldu anılmış gagauz  kompozitoru, “Gagauziyanın kıymetli kultura zaametçisi”, “İncäzanaatta Maestro”, “Mihail Çakir” ordenın kavaleri, türlü halklarası hem respublika ödüllerin saabisi, Gagauziyanın ofițial olmayan “Yaşa, Halkım!” gimnasının, Gagauziyada Hederlez yortusunun ofițial gimnasının – “Gagauziyada Hederlez” türküsünün, Komrat Devlet Universitetın hem Komrat kasabasının gimnalarının avtoru, pek käämil hem gülär üzlü BİR insan – İlya İlyiç FİLEV (19.08.1956 – 19.11.2024). İlya İlyiç FİLEVın aylesinä hem yakınnarına, dostlarına hem yaratmak kafadarlarına, bütün gagauz halkına Canabisinin sonsuzlaa vakıtsız varması sebepinnän kendi can sancımı hem acızgannıımı bildirerim! TopracıınTAA DERINDÄN
yakup_omeroglu
Ankaradan kara haber geldi: büün 58 yaşında olan Avrasya Yazarlar Birlii Genel Başkanı Dr. Yakup ÖMEROĞLU, aar bir hastalıın beterinä, raametli oldu. Avrasya Yazarlar Birlii Genel Başkanı Dr. Yakup ÖMEROĞLU, bir kultura elçisi olarak, bütün ömürünü koydu Türkiye hem Türk dünnääsı arasında kultura, literatura hem dostluk ilişkilerini kaavileştirmää hem bu uurda büük, başarılı hem önemni rolü yaptı. Dr. Yakup ÖMEROĞLU, Türkiyenin Çankırı kasabasında 1966-ci yılda duudu. Yazıcı, gazetaci, bilimnär doktoru, kultura adamı. Çok literatura hem aaraştırma kiyatların avtoru. Ondan zeedä sayısız literatura hem jurnalistika ödüllerin saabisi. Onun yaratmakları Türkiyedä, Azerbaycanda,TAA DERINDÄN
gaydarlı (1)
Serbiyda gençlerin arasında olan U-20 serbest güreştä Evropa Çempionatında Moldovanın komandasında pay alan Gagauziyanın Kıpçak küüyündän güreşçimiz Aleksandr GAYDARLI gümüş medaliyayı aldı. Çempionatın 70 kg kategoriyasında güreşän Aleksandr GAYDARLI, Bulgariya, İtaliya, Ukrayna hem Germaniya güreiçilerini enseyip, finala çıkmaa başardı. Finalda sa, Rusiyanın Çeçenistanından olan Magomed BAYTUKARVa taradıp, ikinci oldu. Bu çempionatta Gagauziyadan taa üç güreşçi pay aldı: Komrat sport lițeyindän Sergey KILÇIK (65 kg) hem Vasiliy LAZAREV (61 kg) hem da “Boz Kurt” sport klubundan Grigoriy TOMAYLI (92 kg). Vasiliy LAZAREV çempionatta dördüncü eri kazandı.TAA DERINDÄN
kambur (1)

2024.07.10,Ana Sözü TARAFINDAN YAZILI, CÜMNE, KİŞİLÄR, KULTURA, KULTURA ÖMÜRÜ BOLUMU

Kulturaya izmet

(Dimitriy KAMBURun 75-ci duuma gününä) Orak ayın 10-da tamamnandı 75 yıl Gagauziyanın anılmış kultura adamının hem Gagauziyanın şannı vatandaşının duuma günündän. Dimitriy Andreeviç KAMBURun (10.07.1949, Kaul – 01.12.2019, Kişinev) bütün ömürünü baaşladı Gagauzların hem memleketimizin kulturasının izmetinä. Taa küçüklüündän  bobasından kavradı folklora, halk muzıkasına hem oyunnarına sevgiyi. 1967-1986-cı yılalarda, ilktän Tülü küüyündä, sora da Çeşmä küüyündä Kultura Evin direktoru işledi. Bu arada, 1978-ci yılda, zaoçno başardı Muziçesku adına Kişinev İncäzanaat devlet institutunu. 1987-1995 yıllarında Dimitriy KAMBUR Valkaneş rayonun kultura bölümünün başı işleer. Çok yıllar  Valkaneş Kultura Evinin “Gagauzlar” ansamblisinin öndercisiTAA DERINDÄN
Balcı_1

2024.07.10,Ana Sözü TARAFINDAN YAZILI, CÜMNE, KİŞİLÄR, SPORT BOLUMU

Aleksandr BALCI aar atletikada mutlak Evropa çempionu oldu

Kirez ayın 15-23 günnerindä Grețiyanın Soloniki kasabasında geçän 15 hem 17 yaşa kadar olannarın arasında aar atletikada Evropa Çempionatında gagauz sportsmenı Aleksandr BALCI mutlak Evropa çempionu oldu. Moldova Respublikasının komandasında pay alan Gagauziyanın Komrat kasabasından aar atletikacı Aleksandr BALCI, koparmada 124 kg hem itirmedä dä 151 kg kaldırıp, toplam 275 kg kazanıp, aar atletikada Evropa Çempionatında 3 altın medali aldı hem da mutlak Evropa çempionu oldu. Aklınıza getireriz, ani bıldır hep bu çempionatta Aleksandr BALCI ikinci oldu (bak: https://anasozu.com/moldovada-olan-evropa-aar-atletika-cempionatinda-turkiyeda-47-medali-gagauziyada-3-medali/).TAA DERINDÄN
gira_frangu (1)

2024.07.04,Ana Sözü TARAFINDAN YAZILI, CÜMNE, KİŞİLÄR, SPORT BOLUMU

Nikolay FRANGU gira sportunda dünneyin çift çempionu oldu

Polşanın Rzeszów kasabasında Kirez ayın 6-9 günnerindä geçän gira sportunda Dünnää çempionatında Moldova sportsmennarı aldılar 10 medali, angılarından 2 altın medaliyi, en gözäl sonuçları gösterip, kazandı Gagauziyanın Kırlannar küüyündän giracımız Nikolay FRANGU. 74 kilalık aarlık kategoriyasında bu çempionatta pay alan Nikolay FRANGU gira sportunda dünneyin çift çempionu oldu. Birinci altın medaliyi Nikolay FRANGU aldı “uzun țiklada” – iki 24 kilalık girayı birdän kaldırarak, o becerdi onnarı 92 kerä kaldırmaa. İkinci altın medaliyi Canabisi aldı “biatlonda” – ilkin iki 24 kilalık girayı 131 kerä itireräk kaldırdı, sora da bir 24 kilalıkTAA DERINDÄN