Hederlez ayın 27-dä büük hem tantanalı bir sıraylan Gagauziyada bakıldı “Gagauz kulturası hem kultura zaametçilerin Günü”, nereyä katıldılar bütün Gagauziyadan kultura zaametçileri: artistlär, bibliotekacılar, halk ustalar, kultura evlerin hem teatruların, muzıka hem muzıka şkolaların, resimcilär hem uşak resimci şkolaların zaametçileri, muzeycilär, yazıcılar hem poetlar hem taa çok kultura zaametçileri, işçileri hem izmetçileri.
Açtı bu gözäl sırayı Gagauziya kultura Upravleniyasının başı Marina SEMÖNOVA, angısı, kısadan annadıp bir yılın için Gagauziyada kultura uurunda sıraları hem başarıları, bütün ürektän kutladı gagauz halkını hem kendi kolegalarını bu önemni yortuylan.
Gagauziya Başkanın işlerinä bakan bölümün başı İvan KOLİOGLU okudu kultura zaametçilerin adına yollanan hem kendi advokatları yolunnan burayı etişän Gagauziya Başkankası Evgeniya GUȚULun “Gagauz kulturası hem kultura zaametçilerin Günü”nnän kutlama mesajını.
Kultura zaametçilerini bu paalı yortuylan kutladılar hem onnara Gagauziya ödüllerini verdilär Gagauziya İspolkomu Predsedatelin yardımcısı İlya UZUN, Gagauziya Halk Topluşun geçici Başı Nikolay ORMANCI hem Gagauziya Halk Topluşun bilim, üüredicilik, kultura, dil hem dinnär Daymalı komisiya başı Dimitriy MANASTIRLI.
Eridir urgulamaa, ani “Gagauz kulturası hem kultura zaametçilerin Günü” – bu diil salt kultura zaametçilerin ustalık günü, ama o bütün avtonomiya hem memleket için önemni bir gündür. Bu kultura varlıını koruyannara hem bu varlıı eni evlatboylarına aktarmakta kultura zaametşilerinä candan-ürektän şükür etmäk lääzım.
Kutlamak sırasının önemni bir basamaa oldu o, açan ekranda peydalandi vidioklip hem zalda başladı ötmää maasuz bu yortu için hazırlanan “Gagauz kulturası” adlı türkü (laflar – Galina DANACI, muzıka – Konstantin DUŞKU).
“Gagauz kulturası hem kultura zaametçilerin Günü”nä adanan bu yortulu sırada kultura zaametçileri çeşitli ödüllärlän ödüllendilär.
“Gagauziya (Gagauz Yeri) Ordenı” kablettilär:
Dimitriy Födoroviç GAGAUZ, kompozitor, muzıkoved, pedagog;
Domna Trifonovna AKBAŞ, bibliotekcılık veteranı, Gagauziyanın kulturada kıymetli zaametçiykası;
Anna Harlampievna HARLAMENKO, Gagauziyanın kıymetli jurnalistkası.
“Mihail Çakir” Ordenı kablettilär:
Vitaliy Anatolyeviç MANJUL, kompozitor, Komrat Uşak resimcilik şkolasının üüredicisi;
Nina Mihaylovna MİHAYLÜK, Komrat Uşak muzıka şkolasının üürediciykası;
Natalya Georgievna STANȚOY, Komrat Uşak muzıka şkolasının üürediciykası;
Sergey Dimitrieviç SAVASTİN, Komrat Uşak resimcilik şkolasının direktoru.
“Gagauziyanın kıymetli yazıcısı” adını kablettilär:
Todur ZANET, Omor SULTANOV Halklararası cümne poeziya Akademiyasının akademii, türkolog, aaraştımacı, yazıcı, poet, jurnalist, folklorcu, rejisör;
Konstantin İvanoviç KURDOGLU, yazıcı, publițist, “Gagauz yazıcılar birlii” Cümne Birliin predsedateli.
“Gagauziyanın kıymetli bibliotekacısı” adını kablettilär:
Vera Konstantinovna BUYIKLI, Komrat kasabasının uşak bibliotekasının baş bibliografı;
Matröna Vladimirovna JİMJİM, Çadır kasabasının uşak bibliotekasının bibliografı;
Lübov Grigoryevna LUGOVSKAYA, Svetlıy küüyün Agrar-tehnik kolecın baş bibliotekacıykası;
Lüdmila Harlampievna KURDOVA, Komrat kasabasının Gavril Gaydarcı teoretik lițeyin bibliotekacıykası;
Mariya İvanovna DERMENCİ, Çadır kasabasının Valentin Moşkov teoretik lițeyin bibliotekacıykası;
Lübov Mihaylovna KIVIRCIK, Çadır kasabasının G. Sırtmaç gimnaziyası-uşak başçası bibliotekacıykası;
Nina İsidorovna SARI-TERZİ, Kurrikulum menecementı hem kesilmäz kvalifikațiya üüseltmä Merkezin baş metodistkası.
“Gagauziyanın halk hem üncäzanaat uurunda kıymetli usta” adını kabletti:
Nikolay İvanoviç KROİTOR, “Gagauziyanın Halk Ustaları” Birlii başı.
“Gagauziyanın kulturada kıymetli zaametçisi” adını kablettilär:
Lübov İvanovna ANDRUŞOY, Moldova Respublikasının kıymetli kolektivı “Düz Ava” türkü hem oyun gagauz ansamblisinin orkestrasının artistkası;
Nataliya Andreevna LEVANDOVSKAYA, Çeşmä küüyün Uşak muzıka şkolasının direktoru;
Nikolay Stepanoviç STANEV, Komrat kasabasının A. Valykov Uşak muzıka şkolasının üüredicisi;
İvan Nikolaeviç GERGELECİ, Çadır kasabasının Birleşmiş Kultura Merkezin teknik rejisöru;
Födor Petroviç GAYDARCI, Çadır kasabasının Birleşmiş Kultura Merkezin ses rejisöru;
Pelageya Mihaylovna FİLİOGLU, poetesa hem yazıcıyka, gagauz dilindä hem literaturasında üürediciyka.
“Gagauziya Başkanın hem Halk Topluşun Şannı Gramotası” kablettilär:
Marina RADİŞ, operacı zanaatçıykası, Moldova Respublikasında “Maestru în Artă” (“İncäzanaatta Maestro”);
Valentina Harlampievna KAPAKLI, Beşalma küüyün D. Karaçoban istoriya hem etnografiya gagauz milli muzeyin fondlarının baş koruycuykası;
Galina İlyiniçna DANACI, poetesa hem yazıcıyka;
Elizaveta Konstantinovna ORMANCI, Çadır kasabasının rayon bibliotekasının bibliotekacıykası;
Evdokiya Stepanovna KAPAKLI, Beşalma küüyün bibliotekasının bibliotekacıykası;
Tatyana Georgievna POPODOPULO, Ütülü küüyün bibliotekasının bibliotekacıykası;
Georgiy Nikolaeviç KÖSÄ, Beşalma küüyün Kultura Evin direktoru;
Olesä Georgievna BARLADÄN, “Voice Show Studio” örnekli vokal ansamblisinin incäzanaat önderciykası;
Tatyana İlyniçna KİSEEVA, Çadır kasabasının Birleşmiş Kultura Merkezin metodika bölümünün başı;
Stanislav Georgieviç SOROKOV, Kiriyet küüyün “Kiriyet sesleri” folklor kolektivın incäzanaat öndercisi;
Albina İvanovna ÇAKİR, Komrat kasabasının A. Valykov Uşak muzıka şkolasının üürediciykası;
Nadejda Leonidovna MOMÇA, Çeşmä küüyün Uşak muzıka şkolasının üürediciykası;
Dimitriy Valeryeviç TİMOFEY, Komrat kasabasının A. Valykov Uşak muzıka şkolasının direktoru, Moldova Respublikasının kıymetli kolektivı “Düz Ava” türkü hem oyun gagauz ansamblisinin artistı;
Mihail Mihayloviç MEŞEOGLU, Gagauziya (Gagauz Yeri) Başkannık duhovoy orkestrasının artistı;
Olesä Lazarevna TOPOR (JELEZOGLO), Çadır kasabasının Birleşmiş Kultura Merkezin “Sevgili ses” vokal gagauz türküsü studiyadın öndercisi;
Pötr Petroviç NEDÄLKOV, Moldova Respublikasının kıymetli kolektivı “Düz Ava” türkü hem oyun gagauz ansamblisinin artistı;
Andrey Georgieviç ANDRİEŞ, Komrat Uşak resimcilik şkolasının üüredicisi.
“Moldova kultura ministerliin Diplomu” kablettilär:
İlya MİNÇOGLO, “Evelki oyuncular” halk oyunnarı ansamblisinin incäzanaat öndercisi;
Andrey İVANOV, Moldova Respublikasının kıymetli kolektivı “Düz Ava” türkü hem oyun gagauz ansamblisinin solistı.
“Adetlär kulturası Milli merkezin Diplomu” kablettilär:
Marina Semönovna SEMÖNOVA, Gagauziya kultura Upravleniyasının başı;
Viktor Petroviç GRADİNAR, Moldova Respublikasının kıymetli kolektivı “Düz Ava” türkü hem oyun gagauz ansamblisinin horeografı;
Olesä Lazarevna TOPOR (JELEZOGLO), Çadır kasabasının Birleşmiş Kultura Merkezin “Sevgili ses” vokal gagauz türküsü studiyadın öndercisi.
“Gagauziya kultura Upravleniyasının Diplomu” kablettilär:
Evdokiya DERMENCİ, Karbalı küüyün Kultura Evin direktoru;
Pötr DRANGOZ, Dizgincä küüyün Kultura Evin direktoru;
Valentina BUYUKI, Valkaneş kasabasının uşak yaratması Evin direktoru;
Mariya KaMBUR, “Gagauz dernää” folklor kolektivın incäzanaat önderciykası;
Nataliya PALADİY, Çadırdakı “Dionis TANASOGLU” gagauz Milli teatrusunun incäzanaat önderciykası;
Marina KOÇANCI, Baurçu küüyün bibliotekasının uşak bölümünün bibliotekacıykası;
Elena İVANOGLO, Valkaneş kasabasının A. Peşkin bibliotekasının bibliotekacıykası;
Svetlana BOLGAR, Komrat kasabasının uşak bibliotekasının bibliotekacıykası;
Elena PEYOGLO, Komrat kasabasının A. Valykov Uşak muzıka şkolasının üürediciykası;
Alöna UZUN, Valkaneş kasabasının Uşak resimcilik şkolasının üürediciykası;
Dina SONGROVA, Çadır kasabasının Uşak muzıka şkolasının üürediciykası;
İnessa ANGELÇEVA, Çadır kasabasının Uşak muzıka şkolasının üürediciykası;
Vasiliy ÇOP, Komrat kasabasının istoriya hem tarafı aaraştırmak regional muzeyin zaametçisi;
Anna KİSEEVA, Komrat kasabasının istoriya hem tarafı aaraştırmak regional muzeyin bakıcıykası;
Tatyana LAZAREVA, “Gagauziyanın Halk Ustaları” Birlii azası, halk ustası.
Viktoriya ÇOBAN, “Gagauziyanın Halk Ustaları” Birlii azası, halk ustası.
Nataiya KAPİTAN, “Evelki oyuncular” halk oyunnarı ansamblisinin artistkası;
İvan BUZACI, “Ana Tarafom” örnekli ansamblisinin öndercisi;
“TOZİ” duetı;
Yuliya ARNAUT, artistka;
İrina DRAGU, artistka;
Anna DERMENCİ, “Kolay sesleri” vokal ansamblisinin artistkası;
Artöm YIVARLAK, Gagauziya (Gagauz Yeri) Başkannık duhovoy orkestrasının artistı;
Oleg NAVİN, Gagauziya (Gagauz Yeri) Başkannık duhovoy orkestrasının artistı;
İrina SARANDİ, Moldova Respublikasının kıymetli kolektivı “Düz Ava” türkü hem oyun gagauz ansamblisinin balet artistkası, Avdarma küüyün “Umut” oyun kolektivın öndercikası.
Vasiliy ARNAUT, Moldova Respublikasının kıymetli kolektivı “Düz Ava” türkü hem oyun gagauz ansamblisinin balet artistı, Çok-Maydan küüyün “Bucaan uşakları” oyun kolektivın öndercisi;
Valeriya VARBAN, Moldova Respublikasının kıymetli kolektivı “Düz Ava” türkü hem oyun gagauz ansamblisinin balet artistkası, Kongazçık küüyün “Mirası” oyun kolektivın öndercikası;
Yuliya KOMUR, Moldova Respublikasının kıymetli kolektivı “Düz Ava” türkü hem oyun gagauz ansamblisinin balet artistkası;
Aleksandra DRAGU, Moldova Respublikasının kıymetli kolektivı “Düz Ava” türkü hem oyun gagauz ansamblisinin balet artistkası;
Pötr KARAGÄUR, “Yıldızlar” halk oyun ansamblisinin balet artistı;
Nikolay KOVALCI, “Altın çeşmä” halk oyun ansamblisinin balet artistı;
Anna FRANGU, “Düa Ava” halk oyun ansamblisinin uşak studiyasınınbalet artistkası;
İrina BRATAN, artistka;
Angelina UZUN, artistka.
Ayırıca çeşitli yaşta artistlerä dä saygı gösterildi. “Gagauziyanın en körpä artistı” ödülünü kabletti Aleksandr TUKAN. “Gagauziyanın en başarılı artistı” ödülü verildi Georgiy ÇOBANa, “Evelki oyuncular” halk oyunnarı ansamblisinin artistına.
Seftä kurulan maasuz nominațiyada “Kulturaylan baalı ecel” ödülü verildi Nina Mihaylovna hem Nikolay Martınoviç MİHAYLÜK aylesinä.
