reabilitatiya_tika (1)

09.04.2024, tarafından yazılı , CÜMNE BÖLÜMÜ, 152 KERÄ BAKILMIŞ

TİKAdan Moldovanın protezlik, ortopediya hem reabilitațiya merkezinä proekt

Türk İşbirlii hem Koordinaţiya Agenstvosu (TİKA) çekettirdi bir proekt, angısına görä Moldovanın tek olan Eksperemental protezlik, ortopediya hem reabilitațiya Respublikalı merkezin (Centrului Republican Experimental Protezare, Ortopedie și Reabilitare (CREPOR)) 1-ci bölümünä enilenmäk yapılacek.

Eksperemental protezlik, ortopediya hem reabilitațiya Respublikalı merkezin direktoru Veronika LEBEDİNSKİİ hem TİKA Kişinev ofisin koordinatoru Tarık METE arasında imzalanan işbirlii annaşmasına görä, bu proektlan ilgili işlär iki etapta yapılacek. Birincisindä – 40 yataklı bölümün remondu yapılacek, ikincisindä dä – burayı mebel hem medițina oborudovaniyası alınacek.

Moldovanın tek olan Eksperemental protezlik, ortopediya hem reabilitațiya Respublikalı merkezi kuruldu 1945-cü yılda II-ci dünnää cengin sakatlarına protez fabrikası olarak. Taa sora burada Afganistan hem Transnistriya cengin sakatlarına da izmet verildi. Bundan kaarä Reabilitațiya Merkezindä ilaçlanêrlar hem reabilitațiya geçerlär kusurlu hem sakat insannar da.
reabilitatiya_tika (2)

BİR CUVAP YAZIN