Çiçek ayın (aprel) 18-dä Moldovanın Devlet Universitetında (MDU) oldu TİKA tarafından yapılan “CezeriLab” fizika laboratoriyasının ofițial açılışı.
Açılışta pay aldılar Türkiye Kişinev Büükelçisi Uygar Mustafa SERTEL, TİKA Kişinev ofisin koordinatoru Tarık METE, Türkiyedän laboratoriyayı kuran üüredicilär, MDU rektorun yardımcıları, dekannar hem fizikada üüredicilär.
Ofițial açılış önündä, katılannara deyni, laboratoriyaylan tanışmak yapıldı hem TİKA tarafından bıldır alınan hem laboratoriyaya erleştirilän “CezeriLab” oborudovaniyaları gösterildi: 3D-Printerlar, 3D-skaner, lazer kesicileri hem türlü lääzımnı tertiplär.
Açılış nasaatlarından sora, bu proekta pay alan MDU üüredicilerinä hem studentlarına gramotalar verildi. Ayırıca, MDU öndercileri Türkiyedän gelän üüredicilerä dä şükür diplomnarı verdilär.
