Baba Marta ayın 26-da Moldova milli istoriyası muzeyindä “Ştefan cel Mare şi Sfânt” Cümne Birlii verdi kendisinin I-ci hem II-ci grad Nışannarını o kuruluşlara hem volontörlara, ani pay aldılar Moldovaya sıınan ukraynalı kaçaklara yardımnarda.
Nışannarı kabledän kuruluşların arasında vardılar Kişinevun primariyası, Polițiya hem Tamojnä Baş İnspektoratı, Migrațiya hem erleşim Birosu hem taa çok moldovalı kuruluşlar.
Ukraynalı kaçaklara yardımnar için, tek yabancı kuruluş olarak, nışannandı Türk İşbirlii hem Koordinaţiya Agenstvosu Başkannıın (TİKA) Kişinev TİKA programaların ofisi, angısına verilän I-ci grad “Ștefan cel Mare și Sfânt” Nışanını kabletti TİKA Kişinev programaların Koordinatoru Selda ÖZDENOĞLU.
Koordinator Selda ÖZDENOĞLU bildirdi, ani bu paalı nışanı bütün TİKA adına hem TİKA çalışmalarını Moldovada açık candan tanınması için kabletti.
