Büün, Kirez ayın (iyün) 14-dä, “Ana Sözü” gazetamızın baş-redaktoru, Gagauz Milli Gimnanın avtoru, Akademik, poet, yazıcı, dramaturg, aaraştırmacı, folklorcu, sţenarist hem rejisör, publiţist, çevirici, “GAGAUZLUK” Cümne Birliin başı, “Gagauz Yeri” hem “Gloria Muncii” ordennarın kavalerı Todur ZANET 65 yaşını doldurêr. Saalık, kısmet, uzun ömür Canabinizä. Allaa versin sizä kuvet hem çok akıl Gagauz milletinä hem Gagauzluklan Türk Dünnäsına izmetlerinizdä hem zaametlerinizdä. Göklerdän can sıcaklıı nurlar üstünüzä insin. Literaturada hem incääzanaatеa bütün neetleriniz, yaratmalarınız hem çalışmalarınız aslıya çıksın. Allaa versin çok yıllar ayakta durasınız, kılıç gibi keskin kalasınız, gül gibi nazlı
TAA DERINDÄN Hederlez ayın (may) 2-dä tamamnandı 95 yıl gagauz literaturasının klasiynin, poêtın hem yazıcının, dramaturgun hem folklorcunun, aaraştırmacının hem publiţistın, çeviricinin, muzeycinin Nikolay BABOGLUnun (02.05.1928 – 26.08.2008) duuma gününün.
TAA DERINDÄN Çiçek ayın (aprel) 27-da, büük dünnää aydınnadıcısının hem gagauzların apostolunun Ay-Boba Mihail ÇAKİRın duuma gününüdä kutlanan “Ana Dili” yortusuna adanan bir dialog sırası geçti Çiçek ayın (aprel) 4-dä Çeşmäküü teoretik liţeyindä. Sıranın musaafiriydi akademik, poet, yazıcı, aaraştırmacı, folklorcu, çevirici, rejisör, dramaturg, GAGAUZLUK Cümne Birliin başı hem “Ana sözü” gazetanın baş redaktoru Todur ZANET. Gagauz dili hem literaturası üürediciykaları Natalya Evgenyevna KİVEL hem Elena Nikolaevna KÖSÄ tarafından hazırlanan bu pek gözäl buluşmada pay aldılar 1, 2, 7, 8, 9 hem 12-ci klastan üürencilär. Onnarın kimilerei musaafirin, kimileri dä kendilerinin peetlerini okuyarak,
TAA DERINDÄN Büük ayın (yanvar) 13-dä Gagauziyanın Kiriyet küüyün “Dionis TANASOGLU” adına gimnaziyanın aulunda açıldı bronzadan byust gagauzların anılmış yazıcısına Dionis TANASOGLUya. Kiriyet küüyün “Dionis TANASOGLU” adına gimnaziyanın aulunda yazıcının byustunu kurmaa deyni Gagauziya Halk Topluşun Kiriyet küüyündän deputatına Mihail JELEZOGLUya bir tekliflän danıştı bu gimnaziyanın gagauz dili hem literaturası üüredicisiykası Anna Kirilovna GÜMÜŞLÜ. Nedän sora, GHT deputatı Mihail JELEZOGLU Gagauziya öndercilerinä bu işlän danıştı da Gagauziya İspolkomu proekt için gagauz halkın paralarından para ayırdı. Lääzım urgulamaa, ani yazıcı Dionis TANASOGLUnun ana-boba evi durardı taman o erdä, neredä büün gimnaziya bulunêr da
TAA DERINDÄN Hederlez ayın (may) 3-dä Komrat kasabanın uşak bibliotekasında yapıldı “Ayledä biz yaşêêrız, anayı da pek severiz” adlı bir sıra, ani adandı bu yılın iki yubileyin duuma günnerinin yıldönümünä: yazıcı Dionis Nikolaeviç TANASOGLUnun 100-cü hem anılmış artistin İon Borisoviç BASSın 90-cı yılına. Sırayı hazırladılar hem ortak yaptılar Komradın 8-ci uşak başçasının gagauz dilindä üürediciykası Marina Demyanovna AVRAMOGLUylan Başküüyü muzeyin öndercisi Elena Danilovna NEDÄLKOVA. Yardım oldular, Komratın 8-ci uşak başçanın terbiedicileri: V.G. TELPİZ, A.İ. ARNAUT. Komrat uşak bibliotekasın öndercisinin Vasilisa Radionovna POMETKOVAnın kayıllı yardımınnan sıra geçti Komrat uşak bibliotekasında. Bu sırada Komradın
TAA DERINDÄN 2022-ci yılın orak ayın (iyül) 7-dä tamamnanacek 100 yıl büük gagauz aydınnadıcının, yazıcının, poetın, dramaturgun, folklorcunun, muzıkacının, bilim aaraştırmacının Prof. Dr. Dionis Nikolaeviç TANASOGLUnun (07.07.1922 – 23.08.2006 y.y.) duuma günündän. Bu yıldönümünnän ilgili olarak Gagazuianın İspolkomu bu afta 2022-ci yılı Gagauziyada Dionis TANASOGLUnun yılı olmasını açıkladı. Alınan karara görä Dionis TANASOGLUyu hem onun zaametlerini anması için bir yılın içindä Gagauziyada tombarlak masalar, konferențiyalar hem açık uroklar yapılacek. Bundan kaarä kiyat hem patretlär sergileri düzenninecek. Dionis TANASOGLU duudu 1922-ci yılın Orak ayın 7-dä Çadır rayonun Kiriyet küüyündä. Çeketmä şkolayı başardı ana
TAA DERINDÄN Küçük ayın (fevral) 1-dä gagauz yazıcının, masalcının, üüredicinin Nikolay Georgieviç TANASOGLUnun duuma günündän 125 yıl tamamnandı. Nikolay TANASOGLU (01.02.1895 – 22.02.1970) duudu Kiriyet küüyündä. Başarıp orada başlangıç şkolayı o gitti üürenmää Komrat real uçilişçesinä, angısını bitirdi 1917-ci yılda. Başlayıp 1918-ci yıldan beeri Nikolay Georgieviç baaşladı kendisini pedagogikaya. İşledi üüredici, oldu şkola direktoru. Çok çalışrı, ani küüydä kiyat bilmeyän insannarı yazmaa-okumaa üüretmää. Oldu Moldaviya SSRın üüredicilerinin Respublikadakı I-ci syesdının delegatı. Yazıcı olarak XX-ci üzyılın 40-cı yıllarında kendisini denemää başladı. Yazardı masal, legenda, ballada hem peet. Onun yaratmaları tiparlandılar ilktän gazetada, sora
TAA DERINDÄN Gagauz yazıcısı hem bilim adamı Stepan Stepanoviç KUROGLUnun (09.01.1940 – 23.06.2011) 80-ci yıldönümünnän ilgili olarak 2020-ci yılın Büük ayın (yanvar) 9-da Komradın Stepan KUROGLU gimnaziyasının muzeyindä geçti “S.S. KUROGLUya, paalı yazıcıya hem üürediciyä, adlêêrız” yortu-buluşmak. Yorutda üürencilär okudular yazıcının şiirlerini, siirettilär «Дорога длинною в жизнь» prezentaţiyayı, kolverimneri, neredä pay aldıydı anılmış yazıcı, çaldılar türkü gagauz dilindä hem gösterdilär adetçä oyunnarı. Buluşmakta pay aldı M. Maruneviç adına bilim-aaraştırma Merkezin zaametçisi Svetlana ROMANOVA, angısı çok yıl barabar işledi S.S.KUROGLUylan Komrat Devlet Universitetında hem dostluk etti Canabisinnän. Hep o anmak günü gimnaziyada geçti
TAA DERINDÄN Pötr DRAGANOV adına Komrat regional bibliotekasında Baba Marta ayın 7-dä oldu prezentațiya iki avtorun Anna BOEVAnın hem Vasi FİLİOGLUnun kiyatlarına. Anna BOEVA gagauz literaturasında eni bir ad hem okuycuların önünä sürdü ilk kiyadını –“Güllerim solmasɪn”. Vasi FİLİOGLU sa tanıştırdı kendi son kiyadınnan – “Porezen, cümbüş, şaka hem nelärsa taa..”, ani adanmış avtorun 70 yaşına. Prezentațiyada pay aldılar gagauz yazıcıları, bibliotekacılar, muzeycilär, gagauz dili üüredicileri. Kiyatların çıkması için parayı Gagauziya İspolkomu verdi.
TAA DERINDÄN Kasım ayında, Türkiyenin TİKA (Türk İşbirlii hem Koordinațiya Agenstvosu) Başkannıı yardımınnan, tipardan çıktı Todur ZANETin kiyadı – “Todur ZANET. Seçmä yaratmalar. 60 yaşına”. 672 sayfalık kiyatta var 21 bölüm, ani içinä alêrlar yazıcının peetlerini, prozasını, dramaturgiyasını, çevirmelerini, publițistikasını, bilim çalışmalarını hem başka yaratmaklarını. Bundan kaarä kiyatta verili avtorun kısa biografiyası hem onun ömürü patretlerdä. Ayırı bir er kiyatta alêr Todur ZANET için başka anılmış insannarın sözleri hem fikirleri. Kiyadın tirajı 1000 taanä hem o artık parasız daadılêr Gagauziyanın şkolalarına, uşak başçalarına, bibliotekalarına, bilim, kultura hem cümne kuruluşlarına.
TAA DERINDÄN