Büün, Kirez ayın 3-dä Gagauziyanın Kongaz küüyündän geldi kara bir haber – 96-cı yaşı içindä raametli oldu İvanna Dimitrievna ZANET (15.06.1930 – 03.06.2026), gazetamızın baş redaktorunun Todur ZANETin paalı hem kıymetli mamusu.
İvanna Dimitrievnanın bilgileri verdi kolayını Canabisi nasaatçı konsultant olsun gagauz folklorun ențklopediya uurunda “GAGAUZLUK: Kultura. Ruh. Adetlär” hem 3 tomnuk “Gagauzların kayıp olan dilinin hem kultura adetlerinin Moldovada korunması” temel bilim kiyatlarına. Onun gagauz dilindä baş nasaatlarınnan hazırlandı hem dünneyi gördü büünkü günädän eşi hem benzerisi olmayan 6 tomnuk ențiklopediyalı açıklayıcı “Büük gagauzça-rusça sözlük”.
Gagauz kulturasının, folklorunun, adetlerinin, sıralarının korunmasında, onnarın gelecek evlatboylarına aktarmasında büük zaametleri için İvanna Dimitriyevna Gagauziyanın kultura uurunda en üüsek nışanınan “Mihail Çakir” ordenınnan ödüllendi.
Beş uşak anası olduu hem onnarı en üüsek uurda terbiettii için Sovetlär Birliin II-ci gradta «Медаль материнства» (“Analık medalisi”) kavalerı oldu.
İvanna Dimitriyevna ZANETin raametli olmasınnan gagauz halkı hem kulturası geeri dönmeyän bir kayıba uuradı.
Başta gazetamızın baş redaktoru Todur ZANET olarak, İvanna Dimitriyevna ZANETin aylesinä, hepsi yakınnarına, senselesinä hem bütün gagauz halkına acızgannıımızı bildireriz.
Allaa onu saa tarafına alsın hem topracıı ilin olsun!
“Ana Sözü” gazetasının redakțiyası
