(Gagauziya sportsmenkası Evropa aar atletika çempionatında çempionka oldu)
Çiçek ayın (aprel) 13-21 günnerindä Moldovanın Kişinev arenasında geçän Evropa aar atletika çempionatında, 3 altın medali kazanıp, Moldovayı teslim edän Gagauziya aar atletika sportsmenkası Elena KILÇIK-ERİGİNA çempionka oldu.
Aar atletikacıyka Elena KILÇIK-ERİGİNA, Evropa çempionatında 81 kg aarlık kategoriyasında pay alıp, toplam 242 kg toplayarak (koparma – 106 kg + itirmä – 136 kg), becerdi çempionatın 3 altın medalisini kazanmaa hem bu başarılarılan Evropa aar atletika çempionatın çempionkası oldu.
Lääzım urgulamaa, ani büüklerin arasında Evropa aar atletika çempionatında Moldova Respublikasında bu seftä hem ilk altın medali – onu da Moldova için kazandı Gagauziyadan sportsmenka Elena KILÇIK-ERİGİNA.
Kutluca olsun Elena KILÇIK-ERİGİNA! Kutluca olsun Moldova! Kutluca olsun Gagauziya!
