besgöz_usak_bascasi (1)

20.11.2026, tarafından yazılı , CÜMNE, LİTERATURA, LİTERATURA ÖMÜRÜ, POEZİYA BÖLÜMÜ, 136 KERÄ BAKILMIŞ

Sıcak hem şen havada yazıcıylan buluşma

Kasım ayın 19-da Beşgöz küüyün “Güneşçik” uşak başçasında oldu pek sıcak hem şen havada geçän bir buluşmak anılmış gagauz yazıcısınnan Todur ZANETlän, angısında pay aldılar uşak başçasının administrațiyası, büük hem hazırlık grupalardan uşaklar hem onnarın terbiedicileri.

Paalı musaafirmizi tuz-ekmeklän karşılamaktan sora, buluşmamız ilerledi bir şen hem sıcak atmosferada, angısını yarattılar sıramıza hepsi katılannar.

Buluşma başladı Todur ZANETin kiyat imzlamak sırasına candan bir sıcak parodiyadan, neredä uşaklar yazıcımızın imza sırasının özelliiini gösterdilär.

Sora uşaklar okudular poetın peetlerini, göstedilär Canabisinin hazırladıı hem eni çıkan “Gagauz masalları: masaldan masala” 2-ci kiyadından “Tilkiylän kirpi” masalına teatru oyununu. Uşakların gösterisi başarıldı gözäl bir gagauz horusunnan.

Sora söz tuttu yazıcı hem poet Todur ZANET, angısı okudu kendi peetlerini hem baaşladı uşak başçamıza kendi kiyatlarını.

Çok saa olun saygılı Todur ZANET, ani kablettiniz bizim teklifimizi uşaklarlan buluşmaa hem, saymadaan zaametinizi, buyurdunuz bizim kuruluşumuza. İsteeriz dilemää sizä, Födor Ivanoviç, saalık, uzun ömür, bitmäz ihlam, eni yaratmalar hem Ana dilimizin korunmasında başarılı zaametlär.

Nadejda İvanovna ÇOLAK, “Güneşçik” uşak başçasının gagauz dilindä terbiedici-üürediciykası
besgöz_usak_bascasi (2) besgöz_usak_bascasi (4) besgöz_usak_bascasi (5) besgöz_usak_bascasi (6) besgöz_usak_bascasi (7) besgöz_usak_bascasi (9) besgöz_usak_bascasi (11) besgöz_usak_bascasi (15)

BİR CUVAP YAZIN