Canavar ayın (oktäbri) 20-dä olan Moldova Prezidentın seçimnerini hem respublika konstituțiyalı referendumunu Moldova Merkez Seçim Komisyası (MSK) olmuş tanıdı, çünkü onnarda seçimcilerin 51.65% pay aldı.
Merkez Seçim Komisyasının (MSK) açıklamasına görä Moldova Prezidentın seçimnerinin II-ci turu olacek, çünkü birinci turda hiç bir kandidat 50+1 oy alamadı.
Moldova Prezidentın seçimnerinin I-ci turun önceki sonuçlarına görä II-ci tura çıktılar:
Maya SANDU (“Çalışmak hem Birlik” (PAS) politika partiyasından) – 42,07%;
Aleksandr STOYANOGLU (Moldovanın Soțialistlär politika partiyasından) – 26,27%.
Kalan kandidatlar bukadar aldılar:
Renato USATIY – 13,70%;
İrina VLAH – 5,44%;
Viktoriya FURTUNA – 4,50%;
Vasiliy TARLEV – 3,22%;
İon KİKU – 2,08%;
Oktavian ȚIKU – 0,93%;
Andrey NASTASE – 0,64%;
Nataliya MORAR – 0,62%;
Tudor ULYANOVSKİY – 0,52%.
Respublika konstituțiyalı referendumununda son kıpımnarda durum taa belli diildi, çünkü evropaya girmää isteyennär taradırdı. Ama sonda bu önceki sonuç ortaya çıktı:
“Da” deyennär – 50,16%.
“Yok” deyennär – 49,84 %.
