Hederlez ayın 9-da (9 May) günü Moldovada II-ci dünnä cenginndä Enseyiş Gününü bakêrlar.
Gagauziya bu gündä sadä II-ci dünnä cenginndä Enseyiş Gününü kutlêêr. Koronavirus beterinä, bu yıldönümünnän ilgili olarak, hepsi ofițial kutlamalar zapa altına alındı. Ama gene da nesoy sa sıralar yapılacek.
Gagauziyanın üüredicilik Upravleniyası, birbuçuk ay geeri, bu gün için açıkladı bir yaratma konkursu – “Vakıt bizi ayırdı”. Konkurs dört nominațiyada bildirildi hem ona, Gagauziyanın 47 üüredicilik kuruluşlarından, 38 gimnaziya hem lițey katılmış.
Hepsi yaratma videoroliklerin sayısı – 119 taanä (gagauzça, rusça, romunca): «Война в судьбе моей семьи» nominațiyasında – 17, «Мы – наследники Победы» nominațiyasında – 20, «Лица Победы» nominațiyasında – 29, «Письмо Ветерану» – 53.
Gagauziyanın üüredicilik Upravleniyası bidirdi, ani konkursta en aktiv olmuşlar bu üüredicilik kuruluşların üürencileri: Komrat G. Gaydarcı lițeyindän, Kıpçak B. Yanakoglu lițeyindän, Kongaz T. Zanet lițeyindän, Çadır V. Moşkov lițeyindän, Valkaneş A. Doljnenko lițeyindän, Çadır P. Kazmalı gimnaziyasından, Kıpçak S. Baranovskiy lițeyindän, Kongazçık gimnaziyasından h.t.b.
Bundan kaarä “Vakıt bizi ayırdı” konkursu çerçevecindä, Moldova Respublikasının Rusiyanın bilim hem kultura Merkezinin yardımınnan, cenk tematikasına yapıldı peet, türkü hem resim akțiyası.
Bu konkursun sonuçları bildirildi taman 9 May gününä karşı, avşamneyin.
Enseyiş Günün 75-ci yıldönümü kutluca olsun. Buyurun, bakın bir videoklip, ani hazırlandı bu konkursa: “Askerä mektub”: https://www.youtube.com/watch?v=WV9JJg9BMto
