Ortak basın toplantısından sora Moldova Prezidentı İgor DODON verdi Türkiye Prezidentına Sayın Recep Tayyip ERDOĞANa Moldovanın en üüsek ordenını – “Ordinul Republicii”.
Orden verildi “Türkiye hem Moldova Respublikası arasında çeşitli uurlarda işbirlii hem annaşmalık için, hem dostluu kaavileştirmää hem ilerletmää uurunda büük şannarına derin şükürlär nışanı olarak”.
Ordenı verdiktän sora iki prezident açtılar tabliçkayı, ani Prezidentura binası remonttan sora açılêr hem diktilär Prezidenturanın aulunda birär fidancık.
Urgulêêrız, ani Prezidenturanın binasının enilenmesi TİKA yolunnan Türkiye tarafından yapıldı.
