Gagauziyadan taa bir vraç koronavirustan öldü. Moldova saalık ministerlii bildirdi, ani Hederlez ayın (may) 24-dä Respublika klinikalı bolnițasında koronavirustan öldü Gagauziyadan vraç-infekționist Födor BARGAN.
Födor BARGAN kongazlıydı hem 45 yaşındaydı. O işlärdi Komrat rayon bolnițasının danışma bölümündä nicä vraç-infekționist. Koronavirus hastalıına ulaştıı beterä, Hederlez ayın (may) 15-dä Kişinev bolnițasına alındı, neredä 9 gündän sora raametli oldu.
Canabisi Baba Marta ayın 30-da, insannara danışarak, yalvardı, ani evlerdä kalıp, “koronavirustan korunmaa” hem haberledi, ani “bizim saalıı koruma sistemamız pațientlar selinin önünä çıkamêêr” (bak: https://www.youtube.com/watch?time_continue=45&v=FT1sZ1vuOAM&feature=emb_logo).
