Büük ayın (yanvar) 19-da Moldova Respublikasının futbol Federațiyası, “Şkolalarda fotbol” proektı çerçevesindä, baaşladı Kongaz küüyün Todur ZANET adına teoretik lițeyin 5 “a” maasuz futbol klasın üürencilerinä pek zengin sport ekipirovka komplektlarını.
Bir ekipirovka komplektında var eni rükzak hem 13 türlü ruba: kış kurtkası, maykalar (kış hem yaz variantları), şapka, getralar, lüzgerliklä (vetrovkalar) h.t.b. Bundan kaarä uşaklara baaşlandı limitsiz internetlı fleşkalar hem çok kullanmaklı maskalar.
Kongaz küüyün Todur ZANET adına teoretik lițeyin maasuz futbol klasın üürencilerinä soruldı onnarın bakışına görä aralarında en islää futbol oyuncusu hem intelektual uurunda en akıllı üürenci kim da, onnarın cuvabına görä, bu ikisinä hem klasın otliçniinä ayırı prezentlar verildi – birär rükzak dolu baaşışlan.
