Gagauziya öndercileri arasında son aylarda olan işlär hem yanan kavgalar raada brakmêêrlar ne Gagauziya insannarını, ne dä başka erlerdä yaşayan gagauzları. Hepsi isteerlär bu kavgalar bitsin da, kevettä bulunannar, Gagauziya için hem gagauz halkı için izmet etmää başlasınnar.
Redakțiyamıza geldi Ukrayna Gagauzlar Birliin başkanından Vasiliy KELİOGLUdan bu, can acısınnan yazılı, peet, angsınnan o hepsi gagauzlara danışêr.
UYAN, HALKIM!
Geldi vakıt – uyan, HALKIM!
Birleş yalannara karşı,
Ana dildä lafet, CANIM,
Hem çal MİLLİ MARŞI!
Kırlêêr kaavi çocukların,
VATAN kalêêr bom-boş,
Kim kaldıracêk ERİ yaarın?
Kömür Atı, sän, koş!
Dooru yoldan git KARDAŞIM,
ALLAA versin yardım,
Mankurtları, desän, attım –
Buna bän olacam pek HOŞ!
Çok yannışlık var DÜNNÄÄDA
Biz olalım dooru,
Canavarlar yanımızda,
Koruyalım ruhu!
Vasili KELİOGLU, Ukrayina, Kiev.
