Küçük ayın (fevral) 24-dü Baba Marta ayın 1-ri günneri arası Moldovada geçti gençlerin arasında (2005-ci yıl hem taa alt duan) Moldova voleybol çempionatı.
Bu çemponatta Gagauziyadan pay alan Valkaneşin Uşaklarlan Gençlär Sport Şkolasının (UGSŞ) “Speranța” komandası becerdi, Moldovadan 10 valeybol komandasında, finalına çıkmaa. Çempionatın üçüncü eri için “Speranța” oynadı Kişinevdan “DOR” komandasınnan da, onu 3:2 enseyip, çempionatın bronza medalilerini kazandı.
Lääzım urgulamaa, ani grupa oyunnarında valkaneşlilär becerdilär taramaa sonunda çempion olan Straşendän voleybolcuları, bildirer molodejisport-ge.md saytı.
