Baba Marta ayın 7-dä, Moldovanın 57-ci “Marţişor” milli festivalin çerçevesindä, Kişinevun “Nikolay SULAK Milli Palatası”nda olan konțerttä pay aldılar Komrattan Gagauziyanın anılmış türkü hem oyun ansamblileri “Düz Ava” hem “Kadınca”.
Gagauz milletinin “Düz Ava” hem “Kadınca” ansamblileri büük ustalıklan sțenadan gösterdilär artık sedef olan gagauz milli oyunnarını hem halk muzuka kompozițiyalarını, tanıştırdılar siiredicileri gagauz türkülerinnän.
O günü, Gagauziya artistlerinnän barabar, kendi ustalıını siiredicilerä gösterdilär Moldovanın çeşitli halkların ansamblileri dä, ölä nicä “Rodolübiye”, “Veselia”, “Vodograi”, “Enigma Romilor”, “Polinuşca”, hem da musafir olan “Sturczanskie Dzwoneczki”, angıları tanıştırdılar onnari moldovan, gagauz, bulgar, çingenä, poläk, ukrayin hem başka halkların kulturasınnan.
Artistleri islää kablettikleri için, “Nikolay SULAK Milli Palatası”nın sțenasından siiredicilerä şükür etti Gagauziya kultura Upravleniyasının başı Marina SEMENOVA.
Patret kaynaa: OCI „Moldova-Concert”
