İki yıl geeri, 2021-ci yılın Baba Marta ayın 26-da Evropa Parlamentın deputatları 410 oylan (192 – karşı, 51 – ikiliktä) aldılar karar, ani Evropa Birliinä (EB) girän hem, bezbelli Moldova gibi EBya girmää isteyän devletlerdä yaz hem kış vakıdına geçmektän vazgeçmää.
Ama sora, Evropa Parlamentın deputatların üstündä olan taa üstünnär bu kararı çiviledilär da, inadından, tükürdüklerini yalayıp, istediklerini yaptılar – saatları diiştirmektän vazgeçtilär.
Evropa Birliinin 2021-ci yılın Baba Marta ayın 26-da alınan bu kararı yalan çıktı işin, bu yıl da yaz vakıdına genä geçeriz. Baba Marta ayın 26 gecesinin saat 03:00-dä, saatların oklarını bir saat ileri geçirip, bu iş yapılacêk.
