Bu yıl Moldovada artık 58-ci “Marțişor” muzıka festivali geçer, angısı başladı nicä erindeki bir sıra da tezicik anılmış hem saygılı halklararası festivalinä döndü. Gagauziyada da o 7-ci kerä bakılêr.
Baba Marta ayın 1-dä, 58-ci “Marțişor” muzıka festivali çerçevesindä, Kongaz kultura evindä yapıldı “Gagauziyada Marțişor – 2024” muzıka festivali, angısını açtı Gagauziya kultura Upravleniyasının başı Marina SEMENOVA hem selmnemäk sözünnän insannara danıştı küüyün primarı Mihail ESİR.
Kongazda “Gagauziyada Marțişor – 2024” muzıka festivalindä pay aldılar Gagauziyanın ansamblileri, artistleri, Kongaz küüyün Todur Zanet adına lițeyindän, Nikolay Çebanov adına hem Varvara Topal adına gimnaziyalardan üüredicilärlän üürencilär, Kongazın 1-ci, 2-ci, 3-cü, 4-cü hem 5-ci uşak başçalarından terbiedicilär hem uşaklar.
“Gagauziyada Marțişor – 2024” muzıka festivalin kendi muskası da var artık – gagauz portusuna giimni kukla, angısını festivalin bu yılkı saabileri verdilär gelän yıla olacek saabilerä – Kıpçak küüyünä.
