2025-ci yılın Kirez ayı (iyün) 30-zu – Orak ayın (iyül) 6-sı günneri arasında İtaliyanın Caorle kasabasında UWW (United World Wrestling) kanadı altında geçti serbest güreştä Evropa U-20 Çempionatı.
Moldova komandasında serbest güreştä Evropa U-20 Çempionatında pay alan Gagauziyanın Kıpçak küüyündän güreşçi Maksim DIMOV çempionatın bronza medalisini kazandı.
65 kg kategoriyasında güreşän 17 yaşındakı Maksim DIMOV bronza medali için güreştä 14:3 ensedi Gruziyadan sportsmenı. Ama bunadan kendisinin bronza medalisinä yolunda Maksim DIMOV ilktän 11:0 ensedi çeh güreşçisini. Sora, 1/8 finalda, o 3:2 ensedi poläkı. ¼ finalında tarattı ukraynalı sportsmena – 3:6. Sora da ensedi Estoniyadan güreşçiyi.
Lääzım urgulamaa, ani bu büük başarıya hazırladı bu gagauz sportsmenını trener Pötr VLAH.
Kutluca olsun!
