Moldovanın baamsız Gününün 34-cü yılın kutlamasına katılmaa hem Moldovada kuvettä bulunannara arka olmaa deyni, Harman ayın (avgust) 27-dä Moldovaya aar musaafirlär geldilär: Franțiya, Germaniya hem Polşa devletlerin öndercileri.
Nicä bildirdi Moldova Prezidentlii, Moldovanın baamsız Gününün 34-cü yılını kutlamasına katılan Franțiyanın Prezidentı Emanuel MAKRON (fr. Emmanuel Jean-Michel Frédéric Macron), Germaniyanın Kanțlerı Fridrih MERȚ (nem. Joachim-Friedrich Martin Josef Merz) hem Polşanın Premyer-ministrusu Donald TUSK (pol. Donald Franciszek Tusk) söledilär, ani geldilär memleketimizin Evropa geleceenä güçlü yardımnarını bildirmää.
Bu aar musuaafirlär Moldova Prezidentı Maya SANDU tarafından Prezidentura binasında karşılandılar. Burada buluşmakardan hem ortak pres-konferențiyadan sora, hepsi bilä, Kişinevun Büük Milli Toplantısı Meydanında olan baamsız Gününün kutlama sıralarına, sțenadan nasaat ederäk, katıldılar, neredä tekrar açıkladılar kendilerinin Moldovanın Evropaya yolunda arka olmalarını hem para yardımnarını.
Patretlär: MR prezidenturası
