Kırım ayın 8-10 günneri arasında Komrat Devlet Universitetında (KDU) sergilener «Голод 1946–1947 годов: история и память в Гагаузии» sergisi, angısının baş eksponatları hem stendları romınca, rusça hem angliyca hazırlanmış.
Avdarma küüyün istoriyası muzeyi tarafından hazırlanan bu sergidä 17 stendta annadılêr gagauzlara karşı 1946-1947 yıllarında zorlan yapılan Aaçlık için, onun sebepi hem sonuçları. Stendalarda erleştirilmiş aaçlıı geçirennerin annatmaları, patretlär hem arhiv dokumentlerin kopiyaları.
Serginin baş neeti ölä açıklandı: geçmişi aklında tutmak hem genç evlatboylarına olduun doorusunu annatmak.
Aaçlıı annadan bu sergi yapıldı Moldova kultura ministerlii tarafından açıklanan “Kulturaya Kauşmak – 2025” („Acces la Cultură – 2025”) Milli programasının para kaynakları çerçevesindä olan Moldova Milli istoriyası muzeyinän işbirliindä.
Patret: cımrat.md
