Çiçek ayın 5-dä Moldovanın gençlär arasında sambo güreşindä çempionatından evä dönän Gagauziyadan genç sambocuların maşinasına büük bir hızlan arkadan urdu BMW X5 maşinası.
Nicä açıklandı basım için, Çiçek ayın 5-dä gecä saat birä yakın, sambo güreşindä çempionatından evä dönän Gagauziyadan genç sambocuların bulanan maşinaya, Hınçeşti-Bozieni yolunda, geeridän büük bir hızlan BMW X5 maşinası çarptı. Bu çarpmadan maşinaların ikisi dä yol boyu çukuruna aktarıldı.
Gagauz sambocularınnan bilä maşinada bulunan onnarın trenerı Pötr KURU başardı tezicik kurtamaa uşakları, çıkarıp onnarı avariyalı maşınanın içindän. Nedän sora Canabisi çaardı polițiyayı hem hızlı saalık yardım ambulansını.
Ambulans genç sambocuları Hınçeşti bolnițasına götürdül. Burada onnara kontorl ettilär, bulup onnarda yarık yaraları hem ezikleri. Medițina yardımından sora, hepsi uşakları evlerinä yolladılar.
Bu arada BMW X5 maşinanın şöföru, brakıp belaya düşän insannarı, kaçtı avariya erindän.
Taa sora bu maşinanın içindä urulmuş bir yaban keçisi hem tüfek patronnarı bulundu. Bu üzerä polițiya iki şüpäylän bu erifi aaramaya geçti: a) ya BMW X5 maşinanın şöföru kör sarfoştu da görmedi önündä gidän maşinayı; b) ya da zakonsuz avcılık uurunda kabaatlı olmaktan kaçtı.
