Gagauziya İspolkomunda olan bir yortulu sırada, Gagauziyanın anılmış güreşçilerini hem onnarın trenerlarını kutladılar hem onnara Gagauziyanın en büük ödülünü – “Gagauziya (Gagauz Yeri) Ordenı” verdilär.
Kutlama sırasında Gagauziya İspolkomu Predsedatelin yardımcısı İlya UZUN, Gagauziya Başkankası Evgeniya GUȚULun adından, şükür etti hepsi güreşçilerä hem trenerlara Gagauziyayı memlekettä hem halklararası uurunda sportta en üüsek erlerä kaldırmaları için, onnarın yıllar boyunca zaametleri hem güreşä eminni olmaları için.
O günü “Gagauziya (Gagauz Yeri) Ordenı” verdildi güreşçilerä: Aleksandr GAYDARLIya, Aleksandr ROMANOVa, Nikolay GRAHMEZä, Pötr YANULOVa hem Dimitriy MALENKOVa. Bundan kaarä, onnarı hem taa çok gürşçi boylarını hazırlayan trenerlara Pötr KURUya, Födor TUKANa, Evgeniy NEDÄLKOya hem İlya ESİRä da bu üüsek ödül verildi.
