Hederlez ayın 21-31 günnerindä Kişinevda geçti XIV-cü BITEI-2026 Halklararası sțena incäzanaatı Festivali, angısını, Moldova kultura ministerliinnän ortak olarak, hazırladı Kişinev “Eugène Ionesco” milli teatrusu.
BITEI-2026 Festivalindä pay aldılar 11 memleketin (Azerbaycan, Franțiya, Gruziya, İspaniya, Koasta de Fildeş, Moldova, Romıniya, Türkiye, Ukrayna, Üülen Koreya, Yaponiya) aktörlar, rejisörlar hem teatru trupaları, ani 10 günün içindä 22 teatrulu, muzıka hem oyun spektaklilerini gösterdilär. Festival çerçevesindä, “BITEI – Locul unde arta inspiră libertate” («BITEI – er, neredä incäzanaat serbestlii baaşlêêr») lozungun altında, birkaç yaratmak master-klası da gösterildi.
XIV-cü BITEI-2026 Halklararası sțena incäzanaatı Festivalinä Ankara hem İstanbul devlet teatruların nemțä dramaturgun Heiner MÜLLERin politikalı bir tragediya spektaklisinnän katıldı Türkiyenin arktörları da.
