2026-cı ylın Orak ayın 25-26 günnerindä Azerbaycanın Gänci bölgesinin Göygöl rayonun “Han Yaylaa” alanındakı “Han Yurdu” etno küüyündä geçti “V MİLLİ YAYLAQ FESTİVALI”, angısı Geçti Azerbaycan kultura ministerlii kanadı altında hem Türkiye TİKA hem Yunus Emre institututu ortaklıında.
Başka türk milletleri katılımcıların arasında bu festivaldä pay aldılar Gagauziyadan kultura insannarımız Mariya hem İvan ARNAUTlar hem dä Kazayak Kultura Evin direktoru Mariya TAKA. Ukrayna gagauzlarını da temsil etti türkücüyka Nataliya DENİZ. Gagauz hem gagazuça türkülerdän hem oyunnarından kaarä, festivaldä gagauzların el ustalıı da gösterildi: kultura insanımız Mariya ARNAUT gagauzlarda yapaa işlemesi uurunda bir master-klas gösterdi.
“V MİLLİ YAYLAQ FESTİVALI” çerçevesindä insannara zanaatlar köşesi kuruldu, türk milletlerin okçuluk, atlı koşuları, zorhana (atletika gimnastikası – nışan “AS”), güreş gibi milli sportları gösterildi, milli muzıka hem folklor gösterileri yapıldı.
