Açıklandı, ani Orak ayın 31-dä yapılacek Gagauziya Halk Topluşun toplantısının gündelik işinä Gagauziya Başkanı konusunda iki soruş teklif edilecek: 1. Gagauziya Başkanın erini boş saymaa; 2. Gagauziya Başkanı seçimneri 2026-ci yılın Kasım ayın 15-dä, Halk Topluşuna seçimnärlän bilä, yapmaa.
Bu karar alındıynan, taa diildi belli, ani Gagauziya Başkankasının Evgeniya GUȚULun advokatları, Kişinev Apeläțiya Palatasının 2026-cı yılın Hederlez ayın 28-dä Gagauziya Başkankasının Evgeniya GUȚULun hem Svetlana POPANın hakında I-ci daavacılık kararını diiştirilmedik brakmakta Kararını, temizlemäk için, Moldovanın Üüsek daavacılık Palatasına danıştılar.
Nicä açıkladı Evgeniya GUȚULun advokatı Natalya BAYRAM, “Evgeniya GUȚULun hem Svetlana POPANın hakında kasațiya danışması Moldovanın Üüsek daavacılık Palatasına Orak ayın 27-dä verildi, çünkü Orak ayın 28-si son gündü, açan vardı nicä kullanmaa bu kasațiya danışması hakını”.
Gagauziya Başkankasının Evgeniya GUȚULun hakında Moldovanın Üüsek daavacılık Palatasına danışmak Gagauziya Başkanın erini boş saymak tarafından hem Gagauziya Başkanı seçimneri 2026-ci yılın Kasım ayın 15-dä yapmak konusunda, yustițiya tarafından, Gagauziya Halk Topluşunun bu konuda kararlarına zakonnuk uurunda bir denemä ortaya çıkardı.
