Harman ayın 7-dä Gagauziyanın Üstolan Durumnar Regional Kuruluşuna (GÜDRK) baaşlandı 5 cat eni “Dacia Duster” maşina, angıları, kardaş payı olrak, Gagauziyanın Çadır, Komrat, Valkaneş hem Moldovanın Basarbka kasabalarının bu uurda serviçlerinä payedildi.
Açıklanan haberä görä, bu maşinalar “Enhancing the Intervention Skills of Professional Firefighters” (“Profesional yangıncılarının üstolan durumda beceriklerini geliştirmäk” – gag.: A.S.) proektı çerçevesindä alındılar. Bu proekt Romıniya-Moldova 2021-2027 “Interreg VI-A NEXT” programasına görä Evropa Birliin para yardımınnan yapılêr.
Bildirildi, ani bu proektta Gagauziyanın Üstolan Durumnar Regional Kuruluşuna deyni 777 bin evro ayırılmış. Bunnarın 134 bin evrosuna da GÜDRKa baaşlanan 5 cat eni “Dacia Duster” maşinası alınmış. Demeli 1 maşina 26 800 evroya gelmiş.
Urgulanêr, ani bu maşinalar kurtarma grupalarının hızlılıını arttıracek hem üstolan duruma yollanma vakıdını kısaldacek.
