Kirez ayın (iyün) 29-da raametli oldu büük politikacı, diplomat, jurnalist, bilim adamı hem yazıcı Födor Afanasiyeviç ANGELİ.
Canabisi duudu 1935-ci yılda Canavar ayın (oktäbri) 29-da Aydar küüyündä.
Orta şkoladan sora, başardı “M.Lomonosov” adına Moskva devlet universitetın (MDU) Aziya hem Afrika institutunu, MDU aspiranturasını, partiyanın Moskvadakı Üüsek şkolasını.
Moldova respublikasının kıymetli jurnalistı. Filolgiya bilgilerindä doktor.
Födor Afanasiyeviç ANGELİ işledi SSRB Devlet televideniyansında korespondent. Moldova “İnturist” firmasının Baş direktoru oldu.
1967-1972 yıllarda Romıniyada “Novosti” haber agenstvosunun korespondentı hem 1974-1979 yıllarda “Pravda” gazetasının korespondentı işledi.
1972-1974 hem 1979-1983 yıllarda Moldova Komunist partiyasının Merkez Komitetında işledi.
1983-1990 yıllarda Moldova SSRın Ministerlik Sovetinın ATEM (moldovalı haber agenstvosu) başı oldu.
1990-1994 yıllarda işledi Moldova respublikasında İTAR-TASS agensrvonun başı.
1985- 1990 yıllarda Moldova SSRın Üüsek Sovetin deputatı oldu, 1990- 1998 yıllarında Moldova parlamentının deputatı oldu.
1998-2001 yıllarda Moldovanın Türkiyedä, Egipetta hem Kuveytta Büükelçisi oldu.
Politika, milli soruşlarda, literaturada uurunda 16 kiyadın avtoru. Çevirici hem sözlüklerin avtoru.
Parlamentta olarak çok çalıştı, ani Gagauziya için zakon hazırlansın hem kabledilsin. Moldova Konstituţiyasının hazırlanmasında da pay aldı.
Devlet tarafından çok nagradaları var. Onnarın arasında “Respublika Ordenı” hem “Şan Ordenı” ordennarı da.
NOT. Födor Afanasiyeviç ANGELİ topraa verilecek Orak ayın (iyül) 2-dä. Ölüsü saat 12-00 Kişinevun “Dom ofiţerov” binasından kaldırılacek.
