Moldova kuvet organnarı bildirdilär, ani Kasım ayın 24-dä Afganistanda teroristlär moldovalı vertoletu urdular. Ekipaj becermiş kondurmaa onu, ama kendileri esir düşmüşlär.
Vertolötun saabileri pres-konferenţiyada açıkladılar, ani vertolöt Afganistanda Amerikaylan annaşmaya görä işlärmiş. Vertolötu urduynan onda 18 kişi yolcu varmış hem 3 kişi ekipaj. Yolcular afganlıymış, ekipaj – moldovalı. Vertolötu urduynan 4 kişi ölmüş. Onnarın arasında birisi Moldova vatandaşıymış, ama onun laabı belli diil taa.
Şindi Moldova kuvetleri hepsini yapêrlar, ani esir düşän ekipajı talibannarın ellerindän kurtarmaa.
