Büük aydınnadıcımızın, gagauzların apostolunun, Protoierey Ay-Boba Mihail ÇAKİRin duuma günündän 155 yıldönümünä karşı onu mezarına kendisinin eni byustu koyuldu.
Ay-Boba Mihail ÇAKİRin eski byustu, ani yapılıydı bakırdan hem 2011-ci yılın Kırım ayın (dekabri) 12-dä Gagauziya İspolkomun tarafından koyulduydu bıldır, Harman ayın (avgust) 15-dä, çalındı (bak: http://anasozu.com/barbarlik-mihail-cakirin-byustunu-calmislar/).
Ay-Boba Mihail ÇAKİRin eni byustu mramordan yapılı. Gagauzinfo.md saytın haberinä görä o byustu yapmış moldovan skulptoru Grigoriy RAYLÄN.
Byustun yapılması hem koyulması için 49 bin ley para Gagauziya İspolkomun tarafından verildi. Byust Hederlez ayın (may) 10-da Moldova mitropoliya tarafından okudulacek.
