Kirez ayın (iyün) 23-dä Angliya (Büük Britaniya) devletindä “Evropa Birliindä (EB) kalmaa mı, çıkmaa mı” referendumu oldu. Referendumda 51,9% Evropa Birliindän çıkmak için oy verdi.
Bu referendumu başlattıydı Büük Britaniyanın Premyer-ministrusu David KAMERON. Referendumdan bölä sonuşlar çıktıynan, David KAMERON ertesi günü açıkladı, ani Premyer-ministruluktan vazgeçer.
Şindi Büük Britaniyada eni Premyer-ministru ayırılacek. Beklener, ani o Premyer-ministru olacek London kasabasının eski mêrı Boris JOHNSON, angısı Evropa Birliindän çıkmak için açıktan agitaţiya yaptı.
Naşêy o halizdän demokratiya bu referendumun yapılmasınnan hem sonuçlarınnan ilgili olarak gördük. Angliya (Büük Britaniya) devletin örnää gösterdi bizä nicä haliz demokratiya işleer: Angliya halkı Evropa Birliindän çıkalım dedi, Premyer-ministru David KAMERON Premyer-ministruluktan gitti.
Foto – tass.ru
