Odesa bölgesinin deputatın Yuriy DİMÇOGLUnun teklifinä görä hem Odesadakı gagauz milli-kultura“Birlik” cümne kuruluşunnan Ukrayna Gagauzların Birliin yardımınnan, hem da Odesa oblastinin kultura, miilletlär, dinnär hem kultura tertiplerin varlıı devlet administraţiyasının Bolgrad kasabasında Gagauz Kultura Günneri geçti.
Bu yoruya katıldılar Bolgrad rayonun Aleksandrovka, Dimitrovka, Krasnoe, Kubey, Serpnevoe, Eski Troyan hem Vinogradovaka (Kurtçu) küülerindän hem da Reni rayonun Kotlovina (Balboka) küülerindän insannar. Bu küülär Bolgrad kasabasının stadionunda kendi aullarını kurdular. O aullarda vardı nicä datmaa gagauz imeklerini hem tanışmaa o küülerin yaşamasınnan.
Gagauz Kultura Günnerindä pay aldılar Bulgariyanın üç rayonundan gelän gagauzlar da.
Gagauziya Başkanı İrina VLAH önderciliindä, Gagauziyayı bu kultura yortusunda gösterdilär ansamblilär “Kadınca” hem “Evelki Düz Ava”, hem da gagauz tükücüleri.
Yortunun açılışnda Yuriy DİMÇOGLUdan hem İrina VLAHtan kaarä söz tuttular Ukrayna Radasının (parlament) deputatı Anton KİSSE, Dimitrovka küüyün başı Pötr KÜLAFLI hem başkaları
Yortu vakıdında oldu ansamblilerin paradı, paraşütlan atlamak gösterisi hem büük bir konţert.
Bitkidä, yortuda pay alannara deyni Çadır kasabasının Dionis TANASOGLU milli teatrusu gösterdi pyesayı “Öldür beni, ayolum!”.
