Geçennerdä Gagauziya Halk Topluşun gazetası “Vesti Gagauzii”, kurulma günündän beeri, seftä açtı kendi internet sayfasını. O saytın adresi – vestigagauzii.md.
Bu sayt açıldı Polşa Respublikasının dışişleri Ministerliin yardımınnan o üzerä, ani Gagauziya Halk Topluşun çalışmasını aydınnatmaa deyni. Bu iş için Polşa tarafından gazetaya bir da fotoaparat baaşlandı.
GHT haberlerindän hem zakonnarından kaarä “Vesti Gagauzii” sayfalarında açıklanêr Gagauziyamızın politika, cümne hem kultura yaşaması da.
Aftalık “Vesti Gagauzii” gazetası kuruldu Gagauziya Halk Topluşu tarafında 1996-cı yılın Baba Marta ayın 16-da.
