Bölä altın elli usta, nicä Kıpçak küüyündän Stepan ÇAVDAR, tarafımızda aaz kaldı. Hem diil onun için, ani Canabisinin zannatı – siirek bir zanaat.
Aaz kaldı ilkin onun için, ani ustaların çoyu artık büünkü tehnologiyalara hem tehnikalara geçtilär. İkinci da, ani ustalarımızın çoyu, Vatanımızı brakıp, artık Rusiyaya taşındılar hem taşınêrlar. Bu olêr o üzerä, ani Gagauziyada bu insannara para kazanmaa deyni zor: pek aaz eni ev-yapı yapılêr hem tafta erinä, çorbacıların çoyu artık, plastik kapu-pençereyä geçtilär.
Nicä da olsa, altın elli usta Stepan ÇAVDAR verilmeer bu zorluklara. O da artık büünkü tehnologiyalara hem tehnikalara geçti! Ama, canı darsıdıynan, alêr elinä eski hrendeyi, da, ürek sıcaklıınnan hrendeler taftayı – ellerin ustalıını kaybetmemää deyni.
