Eni Yıla karşı tipardan çıktı Viktor KOPUŞÇUnun 140 sayfalık «Протоиерей Димитрий Чакир: пастырь и просветитель» kiyadı. Büük ayın 24-dä da Komratta kiyadın prezentaţiyası oldu.
Nicä açıkladı prezentaţiyada kiyadın avtoru hem “Aydınnık” cümne kuruluşun başı Viktor KOPUŞÇU “bu kiyatta açıklêêr anılmış ÇAKİRlär soyundan popazların birisinin – Dimitriy Georgieviç ÇAKİR yaşamasını. ÇAKİRlär soyunun Bucak toprkalara erleşmesini, yaşamasını hem Protoierey Ay-Boba Dimitriy ÇAKİRin popazlıını hem cümne çalışmasını”.
Viktor KOPUŞÇU bildirdi, ani kiyatta iki bölüm var: birisi – avtorun yazıları, birisi da – Dimitriy Georgieviç ÇAKİRin yazısı o küü için, neredä o izmet etmiş”.
Kiyadın avtoru sayêr, ani bu kiyat faydalı olacek istoriklerä, etnograflara, kulturologlara, üüredicilerä hem üürencilerä, studentlara. Kiyadın tırajı – 500 taanä.
Not. Protoierey Ay-Boba Dimitriy ÇAKİR duumuş 1839-cu yılda Kopkuy (şindi Beş Göz) küyündä bir dyakın aylesindä. Üürenmiş Çadır şkolasında. 1863-cü yılda Kişinevun duhovnıy seminarıyasını başarmış, da başlamış popaz işlemää Akkerman uezdın İvanovka küüyündä. 1870-1914 yıllarında Esirli (İsirliya) küüyün popazıymış. 1914-cü yıldan taa raametli olunca Diviziya küüyündä popazmış.
Ay-Boba Dimitriy ÇAKİR raametli olmuş 1916-cı yılda Akkerman uezdın Kebabça küüyündä.
Foto – gagauzinfo.md
