Hederlez ayın 19-da Türkiyedä bakılêr “ATATÜRK anma” hem “Gençlik hem sport” yortuları. Bu yortuyu pek geniş hem sıcak baktılar Kongaz küüyün Süleyman DEMİREL teoretik liţeyindä.
Yortuda pay aldılar Türkiye Kişinev Büükelçisi Hulusi KILIÇ, TİKA Kişinev Ofisin koordinatoru Canan ALPASLAN, Kongaz primarı Mihail ESİR, Gagauziyanın üüredicilik Upravleniyanın başı Sofya TORLAK, Akademik hem poet Todur ZANET, Komrat Devlet Universitetın (KDU) türk studentları, başka türk vatandaşları hem cümne insannarı.
Kutlamaklar başladı ATATÜRKü hem onun arkadaşlarını, Türkiyenin kurtuluş cengindä cannarını verän insannarını susmak minudundan anmaktan. Sora Türkiye, Moldova hem Gagauziya Gimnaları çalındı hem ofiţal nasaatlar yapıldı.
Yortuda ofiţial söz tuttular Süleyman DEMİREL teoretik liţeyin direktoru Funda TÜFEKÇİ, hem Türkiye Kişinev Büükelçisi Hulusi KILIÇ.
Bundan sora KDU türk studentları türk gençlik eminini okudular.
“ATATÜRK anma” hem “Gençlik hem sport” yortusu liţeyin üürencilerinin konţerdinnän hem sport yarışmalarınnan ilerlendi.
