Harman ayın 16-da Komradın regional resim Galereyasında açıldı Cankt-Peterburgtan gagauz resimciykasının Viktoriya KARAnın «Дом сердца» (“Ürään evi”) sergisi, angısında sergilener 35 resim. Serginin açılışında Viktoriya KARA bildirdi, ani hepsi bu resimneri yapmış 3 ayın içindä.
Viktoriya KARAnın kendibaşına bu “Ürään evi” proektı açıklêêr bir duygulu annatma Vatan için, Moldova topraklarında yaşayan Gagauz halkının yaşaması hem kulturası için. Resimciyka aklında koruyêr o evleri, neredä geçti onun küçüklüü – şindi onnar yaşêêr resimnerdä.
Kasabanın hızlılıında hem çokluk insan dolayındaykana, büünkü kişi siirekçä aklına getirer kendi köklerini, Vatanını, kulturasını hem kendi başlıını. Annatmaa küçürek olayları hem siiredicilerin aklına getirmää onnara deyni paalı işleri – bu proektın baş neeti, angısını koyêr resimci.
Resimci gösterer ana topraan tabiatının süjetlarını: burada kırlar da, baalarlar da, gök ta, hayvannar da. Ayırı er kaplêêr burada yaşayannarın süretleri hem onnarın kulturası. Yaşamak predmetları hem rubalar – hepsi bunnar ona deyni pek paalı. Resimciykanın yaratmaları şılak hem şıralı, Moldovada güneş gibi.
Sergi Harman ayın 30-dan açık.
Dimiti KİRÇU
Fotolar – gagauzinfo.md
