Ceviz ayın 11-12 günnerindä Komrat Devlet Universitetında (KDU) oldu “15-ci Halklararası Türk dünnäsı soţial bilimnär Kongresi”. Kongresi, TÜRKSOYun yardımınnan hem Türkiye Sakarya Universitetı koordinatorluunda, Türk Dünnäsı Araştırmaları Vakfı yaptı.
Kongresin ofiţial açılışında söz aldılar KDU rektoru Prof. Dr. Sergey ZAHARİYA, Kongresin baş koordinatoru hem Türkiye Sakarya Universitetın işletmä fakultetın dekanı Prof. Dr. Ahmet Vedi CAN, Türk Dünnäsı Araştırmaları Vakfı başkanı Közhan YAZGAN, Türkiye Osmaniye Korkut Ata Üniversitetın rektoru Prof. Dr. Murat TÜRK, Makedonya Vizyon Üniversitetın rektoru Prof. Dr. Fadıl HOCA, Türkiye Uludağ Üniversitesi rektor yardımcısı Prof. Dr. Mehmet Yüce hem başkaları.
Kongresä 16 universitettan bilimcilär katıldılar hem 6 ayırı bölümdä 126 doklad insan önünä koydular.
Kongres zamanında Kongresi hazırlayan Tertip komitetın azalarınnan hem Komrata gelän rektorlarlan Gagauziya Başkanı da buluştu.
Not. Türk Dünnäsı Araştırmaları Vakfını kurdu hem taa kendisinin son gününädän ona başkannık yaptı Prof. Dr Turan YAZGAN.
