Gagauzların büük milli yortusununda Hederlezdä Kazayak küüyündä açıldı “Büyük Tükiye parkı”, angısı yapıldı Türkiyenin belediyelär (primariyalar) Birliinä girän Ankaranın Keçiören hem Gölbaşı hem da Kappadokiyanın Ortahisar belediyeleri (primariyaları) yardımınnan. Onuştan Kazayak parkın taa bir adı da var – “Türkiye Cumhuriyeti Kardeş Keçiören Parkı”.
Parkın düzülmesindä, kuvetlerinä görä, katıldılar kazayaklılar da, angıları gün-gündän bu parkın yapılmasında meciyä geldilär.
Parkın ofiţial açılışında pay aldılar Moldovanın Prezidentı İgor DODON, Gagauziyanın Başkanı İrina VLAH, Türkiye Kişinev Büükelçiliin I-ci sekretari Erdoğan ODABAŞ, TİKA Kişinev ofisin koordinatoru Selda ÖZDENOĞLU, Ankaranın Keçiören hem Gölbaşı hem da Kappadokiyanın Ortahisar belediyelerin (primariyaların) temsilcileri, kazayaklılar hem başka insannar.
“Büyük Tükiye parkı” yada “Türkiye Cumhuriyeti Kardeş Keçiören Parkı” açılış günündä Kazaykta geçti sıradakı “Sevda dalgasında” folklor festivali.
Foto – vlah.md hem prezident.md
