Harman ayın 17-24 günnerindä Bulgariyanın Samokov kasabasında geçän U-20 serbest güreştä Dünnä Çempionatında Moldova komandasında pay alan Gagauziyanın Kıpçak küüyündä duumalı serbest güreşçimiz Aleksandr GAYDARLI, finala çıkıp, dünneyin vițe-çempionu oldu.
Harman ayın 18-dä U-20 serbest güreştä Dünnä Çempionatın finalında Aleksandr GAYDARLI Amerika Birleşik Devletleri (ABD) güreşçisinä Peter John DUKEyä 7:6 taradıp, gümüş medaliyi kazandı hem dünneyin vițe-çempionu oldu.
Bu vițe-çempionnuk yolunda, 70 kg kategoriyasında güreşän Aleksandr GAYDARLI ensedi Gruziya (13:3) hem Polşa (14:3), ¼ finalda Rusiyadan güreşçiyi İslam KAJAROVu (8:3), ½ finalda da Azerbaycan güreşçisini Nurlan AGAZADEyı (7:4).
UWW (United World Wrestling) açıklamalarına görä bu gümüş medali oldu Aleksandr GAYDARLInın halklararası yarışmalarında ikinci medalisi (bıldır Serbiyda olan U-20 serbest güreştä Evropa Çempionatında o gümüş medaliyi kazandı).
Eridir urgulamaa, ani Aleksandr GAYDARLI artık 12 yıl Rusiyanın kıymetli trenerı Stanislav RAMONOVun hem Moldovanın kıymetli trenerı Pötr VLAHın gözü altında Rusiyada güreşçiliktä ustalıını keskinneştirer.
