Kişinev Apeläțiya Palatası Canavar ayın (oktäberi) 8-dä inceledi Gagauziya Başkankasının Evgeniya GUȚULun advokatlarının Canabisinä karşı alınan 7 yıl kapan kararına karşı apeläțiyalarını da karar aldı onnarı ret etmää.
Kendi kararında Kişinev Apeläțiya Palatasının daavacıları aşıkladılar: “Kişinev Boyukan sudun tarafından alınan kararlarına Evgeniya GUȚULun advokatların aalaşmalarını kabul edilmäz olarak ret etmää”.
Gagauziya Başkankasının Evgeniya GUȚULun advokatı Natalya BAYRAM, urgulayarak, ani Evgeniya GUȚUL kafes ardında “zakonsuz” bulunêr, jurnalistlerä bölä bir açıklama yaptı: «Тем более, что нужно выявить новые обстоятельства, о которых лично я узнала недавно. О том, что на стадии уголовного преследования Евгении Гуцул было предложена сделка, при которой присутствовали Драгалин, Пеливан, и ее адвокат Банару. И было сказано: «сдаете мандат башкана и все уголовные дела прекращаются»» (“Üstelik, lääzım üürenmää eni durumnarı, angılarını kendim diil çoktan üürendim. Onu, ani Evgeniya GUȚULa karşı ceza aaraştırması zamanında Canabisinä, Dragalin, Pelivan hem onun advokatı Banarunun orada bulunduunda bir annaşma teklif ettilär. Denilmiş: “Başkannık mandatından atılêrsınız da hepsi ceza işleri vazgeçiler””).
Evgeniya GUȚULun advokatı taa açıkladı, ani onnar teklif etmişlär Apeläțiya Palatası çaarsın hem seslesin o marturları, angılarını ilk basamak sudu seslemää istämedi.
Canavar ayın (oktäberi) 8-dä olan Kişinev Apeläțiya Palatasının sudunda Gagauziya Başkankası Evgeniya GUȚUL, kapalı olarak, Kişinevun №13 kapanından vidio baalatı yolunnan pay aldı.
