2025-ci yılın Harman ayın (avgust) 19-da Komratta bakılacek Gagauz Respublikanın kurulmasının 35 yıldönümü hem bu istoriyalı olaylan ilgili kutlama sıraları olacek.
35 yıl geeri, 1990-cı yılın Harman ayın (avgust) 19-da Gagauz Halkın Üstolan Kongresindä alındı karar Gagauz Respublikasını kurmaa hem o Kongresä ayırılan 450 deputat, bir korkusuz, bunu dünneyä bildirdilär. Bu oldu ozaman, açan Moldova Respublikası kendi baamsızlıını taa kazanmadıydı (Moldova bunu yaptı bir yıdan sora, açan SSRB daaldı).
Gagauz Halkın Üstolan Kongresinä ayırılan deputatlar ilktän 1990-cı yılın Orak ayın (iyül) 22-dä 411 oylan Gagauz Milli Gimnasını (laflar – Todur ZANET, muzıka – Mihail KOLSA), Gagauz Milli Bayraanı hem Gerbı kablettilär, sora da 1990-cı yılın Harman ayın (avgust) 19-da aldılar Karar baamsız Gagauz Respublikasını kurmaa.
Herliim dört yıldan sora, 1994-cü yılda, Gagauziya (Gaguz Yeri) avtonomiyamısına kayıl olan satılan eriflär, Gagauz Respublikasını satmaydılar bu Respublika büün dä yaşayaceydı. Şindi sä, o avtonomiyamızın sökülmesinnän, herbir devletlii kaybederiz .
Avtonomiyamızın sökülmesindä Gagauz Respublikanın kurulmasının 35 yıldönümü kutlama sıraları:
- 10:30 – 10:45 – “Şan Aleyası”na çiçek koyma;
- 11:00 – 12:00 – Komrat Kultura evindä Gagauziya Halk Topluşun yortulu toplantısı;
- 12:00 – 13:00 – Komrat Kultura evindä yortulu konțert.
Yortulu sıralara buyur edilerlär Gagauz Respublikasının Üüsek Sovetının deputatları, aktivistlar, veterannar, avtonomiyamızın eski Başkannarı, Gagauziya Halk Topluşun deputatları, Gagauziyadan Moldova Parlamentın deputatları, primarlar hem küülärlän kasabalar Sovetlerin azaları, cümne insannar hem Gagauziyada yaşayannar.
