2025-ci yılın Orak ayın (iyül) 4-dä Kişinevda Birinci Moldova-EB (Evropa Birlii) Samitı oldu, angısında açıklandı, ani Moldovanın üüselmesi Planı için EB tarafından ayırılan 1,9 miliard Evronun 270 milionu artık verilecek.
Nicä bildirildi Birinci Moldova-EB (Evropa Birlii) Samitınnan ilgili Moldova Pravitelstvosunun basım açıklamasında, Moldova tarafından Samitta pay aldılar Moldova Prezidentı Maya SANDU, Moldova Parlamentın Başı İgor GROSU, Moldova premyer-ministrusu Dorin REÇAN hem Evropa Birlii tarafından Evropa Komisiyasının başı Ursula Gertrud von der Leyen hem Evropa Konsiliumun başı Antonio Costa.
Açıklandı, ani Samitta Evropa liderleri bildirdilär Moldova Respublikasının Evropalı geleceni. Bu uurda ortaya koyuldu hem incelendi memleketimizin birleşmeyä yapılacek sıradakı adımnarı, üüselmä Planın aslıya çıkarılması, infrastrukturalara, energetikaya, dicitalizațiyaya, üüredicilää, soțial korunmasına hem regionunun ilerlemesinä investițiyalar.
Evropa Birliinä girmenin önemni olduunu Samitta urguladı Moldova Prezidentı Maya SANDU, angısı açıkladı vatandaşların bu birliktän olan faydalıklarını: yol infrastrukturasının hem Romıniyaylan elektrika baalarının eni yapılması, vizasız gezilerini, rouming tariflerin inmesini. Yılın bitkisindä bu tariflerin ortadan kaldırılması.
Birinci Moldova-EB (Evropa Birlii) Samitında memeleketin öndercileri hem Evropa liderlerı kablettilär Ortak deklarațiyayı, angısında adêêrlar Moldova Respublikasının evropalı integrațiyasını hızlandırmaa hem vatandaşların ömürünü iileştirmää deyni, proektları aslıya çıkarmaa.
Kaynak: https://gov.md/ro/comunicate-