Harman ayın 17-24 günnerindä Bulgariyanın Samokov kasabasında geçän U-20 serbest güreştä Dünnä Çempionatında Moldovanın komandasında pay alan Gagauziyanın Kıpçak küüyündän serbest güreşçimiz Aleksandr GAYDARLI finala çıktı.
70 kg kategoriyasında güreşän Aleksandr GAYDARLI final yolunda ensedi Gruziya (13:3) hem Polşa (14:3). ¼ finalda Rusiyadan güreşçiyi İslam KAJAROVu (8:3), ½ finalda da Azerbaycan güreşçisini Nurlan AGAZADEyı (7:4) arkada braktı.
Büün, Harman ayın 18-dä, Aleksandr GAYDARLI finalda ABD güreşçisinnän altın medali için güreşecek.
