Hederlez ayın (may) 25-dä Ukraynanı Kurçu (Vinogradovka) küüyündä bulunan Odesa bölgesinin gagauz kultura merkezinda oldu bir tanışmak TİKA yardımınnan tiparlanan hem Gagauz dilindä baş nasaatçıykası İvanna Dimitrievna ZANETin kanadı altında, Akademik Todur ZANETin tarafından düzennenän 6 tomnuk “Büük Gagauzça-Rusça Sözlük” yaratmasınnan.
Bu gözäl sıra geçti Kurçu (Vinogradovka) küüyün bibliotekamızda, neredä toplandılar gagauz küülerindän bibliotekacılar, küü başları hem, onlayn olarak, bu sıraya katıldı 6 tomnuk “Büük Gagauzça-Rusça Sözlük” yaratmasının avtoru kendisi dä.
Lafederäk avtorlan annadık,ani bu BÜÜK Sözlää laflar toplanmışlar 50(elli) yıl! Biraz düşünmeyä urduk kendimizi! 50 YIL! Oynama şaka!
Saa olun, Födor İvanoviç hem İvanna Dimitrevna ZANET (Födor İvaniviçin anacıı), ani bukadar büük zaamet koymuşunuz bu işä! Saa olun,ani bizi da,Ukraynada yaşayan gagauzları, unutmadınız!
İsteerim urgulamaa, ani bölgemizin herbir üüretmäk kuruluşu, nereda üürenerlär gagauz dilini kabletti Baaşış bir adet “Büük Gagauzça-Rusça Sözlük”. Eski Troyan, Kotlovina hem Vinogradovka küüleri lițeylerdän büün kablettilär sözlüü! Yazık, ani belli sebeplerä görä, büünki gündä toplantımıza hepsi gelämedi,ama onnar adêêrlar,ani bu yakınnarda geleceklär da kabledeceklär bu gözelim hem Gagauz dilinä pek faydalı bu yaratmayı!
Sora sözlüktän atladık oyunnara.
Aklımıza gatirdik nesoy oynarfık “beşkacık”, “aşık” hem başka da!
Hepsi derindän daldılar sözlää, urguladılar lääzımnıını hem avtorların büük zaametini!
Olga Kulaksız, Odesa bölgesinin gagauz kultura merkezin direktoru
