Gagauziya Başkankasının Evgeniya GUȚULun advokatları açıkladılar, aniCanavr ayın (oktäberi) 8-dä Kişinev Apeläțiya palatası başlayacek bakmaa onnarın, Gagauziya Başkankasına karşı alınan 7 yıl kapan kararına apeläțiyalarını.
Nicä biliner, Gagauziya Başkankasına Evgeniya GUȚULa “prestupnik grupasından zakon dışı finans kabledilmesi için” (söz gider Moldovada zapa altına koyulan “ŞOR” partiyası için) 7 yıl kapan vermää kararı Harman ayın (avgust) 5-dä aldı Kişinev Boyukan sudun daavacıykası Anna KUÇERESKU. Bu karardan sora Evgeniya GUȚULu hemen bukaaladılar da Kişinevun №13 kapanına alındı.
O gündän beri, bu karar hem bu kapamaya karşı protest olarak, Kişinevun №13 kapanın önündä , Gagauziya Başkankasını Evgeniya GUȚULu hem onunnan bilä kapanan Svetlana POPANı (zapa altına koyulan “ŞOR” partiyasının sekretari, angısına daavacıykanın hep o kararınnan 6 yıl kapan verildi – “AS” nışanı) serbest brakılması için devamnı protest mitingları geçer.
Not. Gagauziya Başkankası Evgeniya GUȚUL 2025-ci yılın Baba Marta ayın 25-dä Kişinev aeroportunda Moldovanın antikorupțiya Merkezi (CNA) tarafından tutuklandı.
