Hederlez ayın 21-dä oldu “1989-cu yılın Hederlez ayın 21-dä olan Gagauz Halkı” milli akıntısının ilk syezdına” halklararası bilim-praktika konferențiyası, ani adandı gagauz devletliini diriltmä Gününä hem angısını hazırladı Gagauziyanın M.Maruneviç Bilim Merkezi.
Konferențiyada pay aldılar “Gagauz Halkı” milli akıntısının veterannarı, Belorusiyadan, Moldovadan, Türkiyedän hem Ukraynadan bilim insannarı, politikacılar hem diplomatlar. Hepsi yaklaşık 150 kişi.
“1989-cu yılın Hederlez ayın 21-dä olan Gagauz Halkı” milli akıntısının ilk syezdına” halklararası bilim-praktika konferențiyasında okundu dokladlar hem oldu nasaatlar, angıları annattılar “Gagauz Halkı” milli akıntısı için hem onun büünkü Gagauziya için rolünü.
Sonunda kabledildi Konferențiyanın kararı, angısına girdi o tekliflär da, ani kararın proektından sora ona teklif edildilär.
